Lees al het corona-gerelateerde nieuws wat betrekking heeft op Wergea op dit overzicht: https://www.wergea.com/home/corona-nieuws

De Emigrant mei Freark Smink en Theo Smedes yn Wergea

Op tongersdei 21 maart om 20:00 oere spylje Freark Smink en Theo Smedes teaterfoarstelling De Emigrant fan stichting Pier21 yn De Bidler yn Wergea. Kaarten binne te bestellen fia kkwergea@hotmail.com.
De foarstelling is oant en mei 11 maaie rûnom yn Fryslân te sjen, bygelyks ek op 18 april yn Jirnsum en op 3 maaie yn Reduzum. Mear ynfo en kaarten op www.de-emigrant.nl.


De Frysktalige teaterfoarstelling De Emigrant, skreaun en regissearre troch Romke Toering foar stichting Pier21, fertelt it ferhaal fan Sybolt de Haas (Freark Smink), in emigrant dy’t goed fyftich jier lyn yn sân hasten de oséaan oerstuts nei Kanada. Hy hat it as emigrant net maklik hân. Mar it is him slagge om in ridlik grut en goedrinnend boerebedriuw op te bouwen. De Haas hat noait wer nei it heitelân werom west. Hy woe net, seach der tsjin oan, wie der faaks wol bang foar. No’t er út it wurk is, is der gelegenheid om oan de winsk fan syn ferstoarne frou te foldwaan: hy makket in trip nei syn roots yn ‘e Greidhoeke. De soan (Theo Smedes) sil him foar it earst mei de melkerij rêde. Twa aventoeren tagelyk. De reis nei it heitelân wurdt foar de emigrant oan alle einen en kanten konfrontearjend.

[Foto: Jan Bensliman|webwerkt.nl.]

Stichting Pier21 is in nije, troch teaterprodusint David Lelieveld en akteur Theo Smedes oprjochte stichting dy’t teaterfoarstellingen produsearret. Pier21 de ambysje har foarstellingen ek yn it bûtenlân te spyljen De namme fan de stichting komt fan it plak dêr’t Nederlânske emigranten yn Kanada oan lân kamen: Pier nûmer 21 yn Halifax. It bestjoer fan stichting Pier21 bestiet út Hylke Speerstra, Henk Hoen en Jan Jongsma (Burgum).


It idee en inisjatyf foar De Emigrant komme fan David Lelieveld. De tekst is skreaun troch Romke Toering, dy’t de foarstelling ek regissearret. De rollen binne foar Freark Smink en Theo Smedes. Yn de foarstelling binne lietteksten fan Baukje Wytsma, op muzyk setten troch Clara Rullmann en songen troch Frederike Kleefstra, te hearren. Hans Brans joech fanút Keunstwurk dramaturgysk advys. Hadewych ten Berge ûntwurp it dekôr en de kostúms. It advys op it mêd fan de projeksjes yn ‘e foarstelling is fan Ekko de Bakker, it ljochtûntwerp fan Koos de Vries, it kap- en grimeadvys fan Arjen van der Grijn.


Ta gelegenheid fan de premjêre fan De Emigrant binne nije printingen fan It wrede paradys en De treastfûgel fan Hylke Speerstra by útjouwerij Bornmeer ferskynd. De oplage fan It wrede paradys, ít boek oer emigraasje, giet dêrmei oer de 50.000 eksimplaren. Yn de nije printinge is ek It ferfolch, de oanfulling op It wrede paradys, opnommen. De boeken binne ûnder mear te keap by de foarstellingen fan De Emigrant.

Bedrijven
    
Tweets

04-05-2021 13:52
RT @vvWarga: VV Warga feliciteert oud Warga speler Wesley Dijkstra met de opening van Supermarkt Wergea. Het ziet er allemaal keurig uit.…


26-04-2021 20:16
RT @BakkerijdeBoer: Op koningsdag zijn wij open van 08:00 - 16:00. U kunt gebruik maken van online bestellen via onze webshop. ? https://


24-04-2021 21:14
Nu! Weima & vd Werf live stream. Mooie songs, Beatles, Abba, Simon & Garfunkel enz. enz. https://t.co/C5uXW0EiZK


Ouder >

Volg ons op Twitter: @wergeacom

WergeaTV

 

Klik op het logo voor alle video's
van WergeaTV op Youtube

www.wergea.com maakt gebruik van analytische cookies (informatie over browser, besturingssysteem en soortgelijke gegevens). 
Deze worden anoniem verwerkt in Google Analytics. Je laat deze gegevens achter door te navigeren door de website.

Lees hier de disclaimer over alle privacy-gerelateerde zaken.